معلومات عن أفضل قطعيات الطهي والشوي للحوم العيد

6 يوليو، 2022 - بتوقيت 2:39 ص

 

كشف تقرير لوزارة الزراعة واستصلاح الاراضي عن معلومات هامة عن قطعيات اللحمة وطريقة الطهي والشوي للحوم العيدوتتمثل في الآتي

وش الفخدة الداخلية : مناسبة للشوى و للبفتيك وكباب الحلة والشاورما سكلوب بانية.
باقى أجزاء الفخدة ويمكن السلق والمفروم الخشن للحمة المعصجة.

الكفته وتكون من اللحم الملبس يعنى نسبة الدهون فيه لا تقل عن ٢٠ % وأفضل منطقتين للكفتة الرقبة منطقة أسفل الصدر (الدوش).

الموزة والرقبة والكولاته والسِن كل دول ممتازين فى السلق أو الطواجن والفتة ومع الخضار.
الكتف وتكون نسبة اللحم الأحمر فيه كبيرة ونسيجه قوى عشان كده يفضل للسلق والطواجن اللى بتاخد وقت طويل فى السوى.

بيت الكلاوى : وهي منطقة الستيك والفيليه والانتركوت ومنها يتم الحصول علي قطعية لحوم عرق الفلتو لعمل لحمة باردة وتعتبر من افخم قطعيات اللحوم.
عرق التربيانكو وأنسب وصفه له هى اللحمة الباردة وذلك لأن لحمه قاسى ولا يصلح للشوى ويستغرق وقت طويل فى الطهي

الموزة فى الساق الخلفية لحمها أكتر واحلى من الموزة الأمامية الموزة الأمامية نسبة الجيلاتين فيها بعد الطهى أعلى من الخلفية.

الموزة الخلفية من أنسب القطع فى الفخد لعمل كباب الحلة و«سكالوب» ومكعبات اللحمة الحمراء.
الموزة الأمامية يفضل أن تطبخ مع الخضار أو تستخدم في عمل طواجن وتسلق للفتة وذلك لأنها تتميز بأنها من القطعيات «الملبسه» وفيها دهون وجيلاتين يجعلها «طرية»، وهي من قطعيات اللحوم الهامة في خروف العيد